أوامر السيسي للجيش بإزالة التعديات تثير حيرة المصريين

أوامر السيسي للجيش بإزالة التعديات تثير حيرة المصريين

27 سبتمبر 2021
قارن المعلقون بين التعامل مع الداخل وإثيوبيا (زياد أحمد/Getty)
+ الخط -

أكد الرئيس المصري عبد الفتاح السيسي أن الدولة ستواجه كل التعديات على الأراضي الزراعية أو الترع أو الجسور، وأن أجهزة الدولة، وعلى رأسها وزارة الداخلية والمحافظين، ستتولى هذه المواجهة، وأضاف أنه لو تطلب الأمر، فسيقوم الجيش بتلك المهمة، للانتهاء منها في موعد أقصاه ستة أشهر. 

ولقي تصريح السيسي، الذي أعلنه اليوم خلال افتتاح محطة معالجة مصرف بحر البقر، ترحيباً بين اللجان الألكترونية والمؤيدين، وأشادوا بقوة الرئيس وطالبوه بإجراءات أكثر حزماً تجاه الفسدة والمخالفين.

بينما خاطبته شيرين وجدي: ‏"عزيزي الرئيس.. فين انضباط الشارع اللي تحول لجنينة حيوان، بعد توسعته علشان الدولة متراخية عن القيام بدورها في تنظيم المرور؟ متى تحولت كل، وأعني كل مطالع ومنازل الكباري، لمواقف أتوبيس وسرفيس عيني عينك كده؟ دول متراخية تماماً عن تطبيق حتى قواعد المرور، الشارع بقى مرتع". 

وتعجب معارضوه من عدم مواجهة التعدي على حقوق مصر في مياه النيل، والتعنت من الجانب الأثيوبي. كتب تيتو: ‏"السيسي مع المصرين، هانزل الجيش يبيد كل المباني والتعديات على النيل بالمعدات، السيسي مع إثيوبيا، إحنا بنتعامل بشرف في زمن عز فيه الشرف، وعجبي" .

وشاركه إسلام: ‏"السيسي 3 ساعات يتكلم عن أهمية مياه المجاري، وتعديات المصريين على النيل، والجيش اللي جاهز يتدخل ضد المصريين المخالفين، ومافيش جملة واحدة عن أثيوبيا، اللي عامله أكبر تعدي بسد النهضة على النيل". 

وطالبه أحمد بدوي بعدم التمييز: ‏"يعني سيادتك إحنا كمان (ناخد تمام)، بإزالة نوادي القضاة والشرطة والقوات المسلحة والإعلاميين والسينمائيين، وكل النوادي وقاعات الأفراح والمنشآت المقامة على النيل، في العجوزة والبحر الأعظم وعموم الجمهورية بحيث يعود النيل حقاً غير محجوب للجميع". 

وسخر باهر: ‏"مش هانمنع التعدي، مش هاننفذ القانون، مش هانحاسب اللي تعدى قبل كده وخربها، لأ، هانمنع عنهم دعم العيش والتموين، اللي هو أصلاً أكيد طالما قدر يتعدى على أرض أيا كانت، فهو مش محتاج لا عيش وتموين". 

وتساءل كمال الطاروطي: ‏"هو محدش عاقل يرفض إزالة التعديات على النيل، بس في حاجتين أولاً: ممكن نبدأ بتعديات الجهات المهمة في البلد؟ ثانياً: ممكن نعرف مين هيحدد إيه اللي تعديات وإيه لأ؟".

المساهمون